D'Universitéit Lëtzebuerg ass eng ëffentlech Héichschoul mat Schwéierpunkt op Fuerschung zu Lëtzebuerg.

D'Fakultéit fir Sprooch, Literatur, Humanwëssenschaften, Konscht an Educatioun (FLSHASE) ass spézialiséiert an der Fuerschung am Beräich vun den Sozial- an Humanwëssenschaften. Sie besteet aus dräi Rechercheunitéiten. D'Politikwëssenschaftler, déi um Projet smartwielen bedeelegt sinn, gehéieren zum Programm "gouvernance européenne" an der Unitéit "Identités, Politiques, Sociétés, Espaces" (IPSE).

Den Zentrum fir politesch Bildung (ZpB) ass eng onofhängeg Fondatioun, déi zivillen Engagement promouvéiert andeems si d'Verstoe vu Politik, Demokratie an aktuelle sozialen Erausfuerderunge stäerkt. D'Haaptzil ass et, Jonker z'encouragéieren um politesche Liewen an ëffentlechen Debat deelzehuelen. D'Aarbecht vum Zentrum baséiert op dräi Pilieren:

• Léieren: Den ZpB entwéckelt Unterrechtsmaterial a Weiderbildungen iwwer aktuell politesch a sozial Themen. Zilpublikum sinn Enseignanten an der Grondschoul an am Lycée esou wei Educateuren an der Kannerbetreiung oder dem Jugendberäich.
• Verstoen: Den ZpB stäerkt d'Verständnis vun demokratesche Prozesser a sozialen Erausfuerderungen duerch Workshoppen, Debatten, Konferenzen an Ausstellungen. Bicher an aner Informatiounsmaterialie ginn an enger spezialiséierter Bibliothéik zur Verfügung gestallt.
• Participatioun: Den ZpB organiséiert Concoursen an aner Aktivitéite fir den Interessi vu jonke Leit un der Politik z'encouragéieren. Mir ënnerstëtzen Institutiounen aus der formaler a non-formaler Bildung bei der Entwécklung a Stäerkung vun demokratesche Strukturen.

LISER ass d'lëtzebuergescht ëffentlecht Fuerschungsinstitut mat Schwéierpunkt op sozioekonomesch Froestellungen. Säin Zil ass et, fundamental an applizéiert Fuerschungsaktivitéiten an de Sozialwëssenschaften duerchzeféieren, fir op eng pluri- an interdisziplinär Manéier en déift Verständnis vun de gesellschaftlechen Entwécklungen an Erausfuerderungen ze schafen. De LISER besteet aus dräi Fuerschungsdepartementer ("Liewenskonditiounen", "Aarbechtsmaart", "Städtesch Entwécklung a Mobilitéit"), dräi interdisziplinäre Fuerschungsprogrammer ("Gesondheet a Gesondheetssystemer", "Grenziwwerschreidend Mobilitéit", "Digital Transformatioun"), engem Zenter fir Verhalenswëssenschaften an engem Datenzenter.

Smartvote ass eng schwäizer Voting Advice Applicaiton, déi vun der politesch neutraler, gemengnëtzeger Organisatioun Politools entwéckelt a bedriwwe gëtt. Politools ass en interdisziplinärt, wëssenschaftlecht Netzwierk mat Sëtz zu Bern (Schwäiz). Et entwéckelt internetbaséiert Projeten fir d'politesch Bildung, d'politesch Transparenz an d'politesch Analyse ze fërderen. Säit 2003 huet smartvote Benotzer*innen an iwwer 200 Wahlen an der Schwäiz an an Europa informéiert.

Soom-it ass eng Informatiounstechnologiefirma vu Bern an der Schwäiz, déi sech op d'Entwécklung an den Opbau vu Software a Webapplikatioune spezialiséiert huet. soom-it ënnerstëtzt smartvote zënter 2014 als Haaptpartner am Beräich vun der Technologie.